Відэафакт: Што рабілася ўночы ў раздзявальні беларусаў пасля перамогі над Люксембургам

• 16.11.2018, 12:45

Перамога нацыянальнай каманды Беларусі пэўна стане гістарычнай.

Стане, калі раптам каманда Ігара Крывушэнкі не надумае ашчаслівіць Сан-Марына. Але пра такую перспектыву пакуль нават думаць не хочацца, а хочацца радавацца, піша tribuna.com.

Пакуль большая частка Беларусі спала і ні пра што не падазравала, нашы футбалісты радаваліся ў далёкім герцагстве.

Радаваліся перамозе і першаму месцу ў групе Лігі нацый, радаваліся будучаму плэй-оф і сваёй добрай гульні. Эмоцый у раздзявальні было шмат: Крывушэнка радаваўся, Румас тэлефанаваў, Драгун жартаваў і гэтак далей.