У Менску адкрыўся набор на бясплатныя курсы ўкраінскай мовы
- 9.10.2018, 16:14
Будуць дарослыя і дзіцячыя групы.
Другі сезон курсаў пачнецца ў кастрычніку, будуць дарослыя і дзіцячыя групы. Заняткі праводзяцца пры падтрымцы ўкраінскага пасольства і «Таварыства беларускай мовы», паведамляе «Радыё Свабода».
Першы занятак другога сезону для дарослых пройдзе 19 кастрычніка на сядзібе ТБМ (вул. Румянцава, 13). Запісацца на курсы можна праз актывістку Святлану Каваленку ў Facebook, а таксама праз тэлефон +37529 6031855 (Святлана) або праз Viber 38068 6092925 (Ягор).
Першы занятак для дзяцей 12 кастрычніка. Пра дэталі запісу і курсы можна даведацца ў Аксаны Цяпліцкай праз Facebook.
Летась амаль сотня чалавек у Менску і Гомелі прайшла курсы, больш за палову паспяхова здалі іспыт і атрымалі сертыфікаты розных ступеняў.
«Для мяне гэта вельмі добры паказчык таго, што ўкраінскай мовай тут цікавяцца. І мы будзем рабіць усё, каб падтрымаць гэты інтарэс», - казаў амбасадар Украіны ў Беларусі Ігар Кізім.