Навукоўцы вывучылі ўплыў локшыны хуткага прыгатавання на арганізм

• 5.10.2018, 19:48

Спецыялісты прааналізавалі склад «Дашырака».

Ужыванне хуткарастваральнай локшыны ва ўмераных колькасцях не прыносіць чалавеку сур'ёзнай шкоды. Да такой высновы прыйшлі навукоўцы Сібірскага дзяржаўнага ўніверсітэта навукі і тэхналогій імя акадэміка М. Ф. Рашэтнева, прааналізаваўшы склад «Дашырака», паведамляе РІА «Новости».

У апублікаваным на сайце ўніверсітэта артыкуле адзначаецца, што локшыну гатуюць з пшанічнай мукі, солі, крухмалу, пальмавага алею, а таксама карбанату і поліфасфата натрыю.

Некаторыя з гэтых кампанентаў не з'яўляюцца карыснымі, аднак, як сцвярджае дацэнт СібДУ Алена Семічэнка, «шкоды здароваму арганізму не прынясуць».

Спецыялісты таксама падкрэсліваюць, што распаўсюджанае перакананне пра небяспеку глутамата натрыя, які ўваходзіць у склад локшыны, з'яўляецца міфам.

«Гэта натрыевая соль амінакіслаты, якой у любым біфштэксе больш, чым у «Дашыраку», - гаворыцца ў паведамленні.