На мітынгу ў Інгушэціі праз мяжы з Чачэніяй распачалі страляніну

• 4.10.2018, 12:07

На акцыі пратэсту сабраліся блізу 10 тысяч чалавек.

Супрацоўнікі праваахоўных органаў распачалі страляніну на мітынгу ў цэнтры Магаса, паведаміў "Дождю" старшыня мясцовага аддзялення "Яблыка" Руслан Муцольгаў. Жыхары выступаюць супраць перадачы зямель Чачэніі.

Супрацоўнікі праваахоўных органаў стрэлілі ў паветра, распавёў Муцольгаў. Аб пацярпелых не паведамляецца.

Страляніну спынілі пасля таго, як двое актывістаў з аргкамітэта аб правядзенні агульнаграмадзянскага форуму Інгушэціі зайшлі на сустрэчу да кіраўніка Інгушэціі Юнуса-Бек Еўкурава.

На мітынгу сабраліся блізу 5-10 тысяч чалавек. "Усё адбылося стыхійна. Напярэдадні вечарам стала распаўсюджвацца інфармацыя аб тым, што людзі збіраюцца. Іх заклікалі сабрацца ў Магасе прадстаўнікі Савета тэйпаў Рэспублікі, прадстаўнікі аргкамітэта прадублявалі запрашэнне ад старэйшын рэспублік. Потым людзі пачалі самі распаўсюджваць інфармацыю ў сацсетках", - сказаў Муцольгаў.

Людзі выступаюць супраць ратыфікацыі пагаднення аб мяжы паміж Чачэніяй і Інгушэціяй. Дэпутаты Інгушэціі зацвердзілі дакумент. "За" прагаласавалі 17 дэпутатаў з 25 прысутных, паведамілі ТАСС у прэс-службе кіраўніка рэспублікі.

Рамзан Кадыраў і Юнус-Бек Еўкураў падпісалі дамову аб мяжы паміж Інгушэціяй і Чачэніяй у канцы верасня. Чачэнія атрымала частку Надцерачнага раёна Інгушэціі, Інгушэція наўзамен атрымала тэрыторыю на мяжы з Малгабецкім раёнам. Абедзве тэрыторыі нежылыя.