Лукашэнка загадаў міністрам «вывозіць на палі гной»

• 25.10.2018, 18:45

Дыктатар распавёў, чым павінны займацца міністры.

Лукашэнка выказаўся наконт таго, чым павінны займацца ўрад. У чацвер ён сустрэўся з першым віцэ-прэм'ерам Аляксандрам Турчыным, які раней кіраваў апаратам Саўміна, паведамляе «Еўрарадыё».

Лукашэнка падкрэсліў, што ўрад павінен займацца не толькі стратэгічнымі пытаннямі (займацца стратэгіяй - прэрагатыва не ўрада, а «прэзідэнта», сказаў ён), але і паўсядзённымі справамі.

- Урад у нас заўсёды займаўся і рэальным сектарам эканомікі, і іншымі пытаннямі. Таму давядзецца рабіць усё: і гной вывозіць на палі, і сеяць, і прыбіраць, і ля станка стаяць, і тэхналогіямі займацца. У адваротным выпадку, у Беларусі ўрад, які будзе сядзець у канторы і выпрацоўваць нейкую стратэгію, не разумеючы, што адбываецца ўнізе, - такі ўрад не трэба, сказаў Лукашэнка.

Згадка пра гной прэс-служба дыктатара прыбрала, а вось у сюжэце тэлеканалу АНТ яна засталася.