Гордзі Дуаер пакараў менскае «Дынама» за паразу ад «Сібіры»

• 22.10.2018, 12:58

Блізу паўгадзіны дынамаўцы... каталіся туды-назад.

Галоўны трэнер менскага "Дынама" Гордзі Дуаер пакараў каманду за паразу ад "Сібіры" (0:6) незвычайнай трэніроўкай у Астане, піша "Прессбол".

"Sorry", - сказаў Аляксандр Андрыеўскі Гордзі Дуаер пры сустрэчы, калі трэнеры накіроўваліся на прэс-канферэнцыю. Параза для "Дынама" атрымалася сапраўды вельмі балючай. Але трэба аддаць належнае нашаму трэнеру: пры ўсіх цяжкасцях ён стараецца трымацца і паказваць, што сітуацыя пад кантролем.

Гордзі не адмовіў у аўтографах і фота прыхільнікам "Сібіры", а затым павітаў беларускіх заўзятараў, якія чакалі каманду каля аўтобуса. "Цяжкая параза, так?" - заўважыў Дуаер і паспрабаваў падбадзёрыць фанатаў. Адзін з іх не змог стрымаць слёз...

У Астану "зубры" вылецелі адразу пасля матчу ў Новасібірску. Размясціліся, адпачылі і правялі на наступны дзень трэніроўку.

Занятак быў незвычайным. Каля паўгадзіны дынамаўцы... каталіся туды-назад. Гэта было свайго кшталту пакаранне за гульню ў папярэдняй сустрэчы. "Чоўны" былі ўжытыя, каб даць дыхту.

Натуральна, Гордзі Дуаер на камандным сходзе і на самой трэніроўцы не саромеўся ў выразах. Ну, вы таксама ведаеце гэтыя словы... Ці дапаможа?

# БарысПеразагрузка. Такі хэштэг выбралі клубныя маркетолагі нашага спаборніка пасля няўдалага мінулага сезону, калі каманда не патрапіла ў плэй-оф.

"Барсы" цяпер на хаду. Гульню ў камандзе Андрэя Скабелкі, як і ўсе апошнія гады, робяць паўночнаамерыканцы. Ужо натуралізаваныя або, як Дзіц, гатовыя абараняць колеры каманды Казахстана ў найбліжэйшай будучыні.

Астанінцы вылучаюцца выніковасцю: ва ўсёй лізе больш іх закінулі толькі "Аўтамабіліст" і "Ёкерыт". Прычым менавіта "Барыс" перапыніў шакавальную пераможную серыю "Аўтамабіліста". Так што сёння “зуброў” напэўна чакае вельмі цяжкі вечар".