Найбуйнейшае камандаванне войскамі ЗША ўпершыню ўзначаліла жанчына

• 18.10.2018, 11:36

У падначаленні Лаўры Дж. Рычардсан цяпер 776 тысяч вайскоўцаў.

Найбуйнейшае камандаванне наземнымі войскамі ЗША ўпершыню ўзначаліла жанчына - генерал-лейтэнант Лаўра Дж. Рычардсан.

Пра гэта паведамляе “Еўрапейская праўда” cа спасылкай на CNN.

Рычардсан узначаліла Камандаванне сіл войска ЗША, або FORSCOM - найважнейшае ў наземных войсках ЗША.

Агульная колькасць войскаў, якія падпарадкоўваюцца гэтаму камандаванню, складае 776 тысяч вайскоўцаў рэгулярнага войска, рэзерву і Нацыянальнай гвардыі войска ЗША і 96 тысяч цывільных супрацоўнікаў.

Асноўнай задачай FORSCOM з'яўляецца падрыхтоўка, навучанне і забеспячэнне рэзерву наземных войскаў для выканання задач як на тэрыторыі ўласна Злучаных Штатаў, так і за мяжой.

Рычардсан служыць у войску ЗША з 1986 года, у 2012 годзе яна стала першай жанчынай, якая атрымала пасаду намесніка камандзіра 1-й кавалерыйскай дывізіі ЗША, вядомай як "Першая каманда Амерыкі". У 2017 годзе яна стала намесніцай камандзіра FORSCOM.

Цяперашні камандзір FORSCOM генерал Робэрт Абрамс пераходзіць на пасаду камандзіра войскамі ЗША ў Карэі. Рычардсан будзе выконваць абавязкі камандзіра да таго часу, пакуль Сэнат афіцыйна не прызначыць пераемніка Абрамса.

"У гэты прамежкавай перыяд яна будзе працягваць быць намесніцай камандзіра, а таксама выканаўцай абавязкаў камандзіра", - растлумачылі ў FORSCOM, дадаўшы, што кандыдатура Рычардсан разглядаецца ў якасці сталага камандзіра.