Трамп агучыў лозунг сваёй прэзідэнцкай кампаніі 2020 года

• 17.10.2018, 12:48

Прэзідэнт ЗША мяркуе, што зрабіў выдатную працу.

Прэзідэнт ЗША Дональд Трамп мае намер балатавацца на прэзідэнцкіх выбарах 2020 года пад лозунгам «Захаваем Амерыку вялікай».

Пра гэта Трамп заявіў у інтэрв'ю AP (пераклад - nv.ua).

«Мой новы дэвіз - Захаваем Амерыку Вялікай (Keep America Great), я не хачу, каб нехта зруйнаваў яе, я зрабіў выдатную працу... Але няправільны чалавек, які можа прыйсці мне на змену, сядзе за мой стол і можа вельмі хутка знішчыць усё... Не, я адназначна пайду на выбары", - сказаў Трамп.

Нагадаем, што ў 2016 годзе перадвыбарным лозунгам Трампа была фраза «Зробім Амерыку зноў вялікай» (Make America Great Again).