ЗША пацвердзілі ўдзел амерыканца ў катастрофе Су-27 у Вінніцкай вобласці

• 17.10.2018, 10:23

Вядзецца расследаванне.

Вайсковыя паветраныя сілы ЗША пацвердзілі, што адзін амерыканец "быў задзейнічаны" ў інцыдэнце з катастрофай знішчальніка Су-27УБ у Вінніцкай вобласці, у выніку якога загінулі два чалавекі.

Пра гэта піша censor.net.ua са спасылкай на паведамленне ВПС ЗША ў Еўропе і Афрыцы.

"Мы бачылі паведамленні аб пацярпелым грамадзяніне ЗША, а таксама пацвярджаем, што вайсковец ЗША быў задзейнічаны ў інцыдэнце. Аднак цяпер вядзецца расследаванне і мы прадоўжым вас інфармаваць", - гаворыцца ў паведамленні.

У Міністэрстве абароны Украіны заявілі аб двух загінулых у выніку катастрофы самалёта. Параненых ці пацярпелых сярод вайскоўцаў або цывільных грамадзян не было, заявілі ў УСУ.