Трамп не выключыў магчымасці адстаўкі Мэціса

• 14.10.2018, 17:17

Прэзідэнт ЗША назваў кіраўніка Пентагона «ў некаторым плане дэмакратам».

Прэзідэнт ЗША Дональд Трамп заявіў, што не ўпэўнены, што міністр абароны Джэймс Мэціс плануе сысці ў адстаўку, але дапусціў, што гэта можа адбыцца. Са слоў Трампа, ён уважае адстаўнога генерала Мэціса «ў некаторым плане дэмакратам», паведамляе «Голос Америки».

Прэзідэнт ЗША заявіў пра гэта ў запісаным загадзя інтэрв'ю праграме «60 хвілін» на канале CBS.

«Магчыма, ён [плануе сысці]», - сказаў Трамп, згодна з урыўкамі са стэнаграмы інтэрв'ю, апублікаванымі ў нядзелю, да выхаду праграмы ў эфір.

«Я думаю, ён у пэўным сэнсе дэмакрат, калі хочаце ведаць праўду. Але генерал Мэціс - добры чалавек. Мы вельмі добра ладзім. Магчыма, ён сыдзе», - дадаў Трамп.