Турцыя вызваліла амерыканскага пастара Брансана

• 12.10.2018, 17:05

Забарона на выезд і хатні арышт пастара таксама скасаваная.

Суд горада Ізміра абвясціў прысуд амерыканскаму пастару Эндру Брансану, паведамляе «Анадолу».

Суд прысудзіў Брансана да 3 гадоў і 45 дзён турэмнага зняволення, але ўлічваючы тэрмін, які грамадзянін ЗША ўжо правёў за кратамі і пад хатнім арыштам, Брансан быў вызвалены з залы суда. Забарона на выезд і хатні арышт пастара таксама скасаваная.

Брансан быў затрыманы дзявятага снежня 2016 года паводле абвінавачання «ў шпіянажы і дапамаганні тэрарыстам Фетулаха Гюлена (FETÖ) і PKK».