Фотафакт: жыхарка Слоніма знайшла грыб-волат

• 12.10.2018, 15:01

Вага ляснога трафея - 900 грамаў.

Фаіна Іголкіна, можна сказаць, ужо прафесійная збіральніца грыбоў, бо займаецца ціхім паляваннем блізу дваццаці пяці гадоў, піша «Газета Слонімская».

- Я грыбы душой адчуваю, але такі грыб знайшла ўпершыню. Нават шкада было яго зразаць. Праўда, не ведаю, што гэта за грыб, ніколі не бачыла такога таўшчэзнага грыба. Можа, хто-небудзь з вашых чытачоў падкажа, - распавяла жыхарка Слоніма.

Грыб-волат яна знайшла ў вёсцы Азарычах Слонімскага раёна.

- Сёлета мы ўжо шмат грыбоў сабралі і нарыхтавалі. Частку дзецям аддалі, з суседзямі падзяліліся, - дадала збіральніца грыбоў са стажам Фаіна Іголкіна.