У японскай крыптабіржы скралі 400 мільёнаў даляраў
- 27.01.2018, 13:42
Цяпер на біржы прыпыненыя ўсе аперацыі.
У Японіі адна з найбуйнейшых крыптавалютных біржаў страціла блізу $400 млн у лічбавай валюце NEM, паведамляе Bloomberg.
Вечарам 26 студзеня біржа Coincheck заявіла, што $400 млн былі незаконна выведзеныя за межы гандлёвай пляцоўкі. Цяпер на біржы прыпыненыя ўсе аперацыі вываду сродкаў, а таксама куплі і продажы ўсіх крыптавалют, акрамя біткойна.
«Мы ведаем, куды былі накіраваны сродкі. Мы адсочваем іх, і калі мы зможам працягнуць адсочванне, магчыма, іх можна будзе аднавіць», - заявіў сузаснавальнік кампаніі Юсуке Ацука.
Раней хакеры ўзламалі крыптавалютную біржу NiceHash і скралі біткойнаў на суму больш як $60 млн.