У 2018 годзе беларусы жывуць горш, чым жылі ў 1993-м

• 24.01.2018, 15:52

За 25 гадоў бедных стала больш, а багатых менш.

«Калі б не дэнамінацыі і іншыя хітрыкі, то мелі б цяпер 200 млн рублёў за даляр. Але гэта не пра ўзровень жыцця, а пра давер людзей да дзяржавы, якая рублі выпускае», - гаворыцца ў праграме «Асабісты капітал» на тэлеканале «Белсат».

Узровень жыцця - гэта тое, што і як чалавек спажывае. У харчовых прадуктах змены добра бачныя. Пачалі есці больш мяса і менш хлеба. Сталі ўжываць менш малака і вырабаў з яго.

«Але ж статыстыка сляды блытае, як заяц. У 1993 годзе лічылі на чалавека за год, а цяпер паказваюць у разліку на аднаго чалавека ў сям'і за месяц без уліку таго, што ён ужо з'еў дома. Каб шпіёны праўды не даведаліся!» - кажа экспэрт праграмы «Асабісты капітал» Міхаіл Залескі.

За 25 гадоў бедных больш стала, а багатых менш, але наогул прапорцыі засталіся тыя ж, што і былі.