Сенат ЗША дамовіўся аб аднаўленні работы ўрада

• 22.01.2018, 21:44

Амерыканскі Сенат прагаласаваў за прыняцце часовага бюджэту.

Сенат ЗША прагаласаваў за рэзалюцыю, якая падаўжае часовае фінансаванне федэральнага ўрада да 8 лютага, заявіў лідар дэмакратычнай меншасці сенатар Чак Шумер, паведамляе «Новая газета».

«Найбліжэйшы час урад адновіць працу», - сказаў Шумер.

Заканадаўцы таксама пагадзіліся абмежаваць дэбаты ў гэтым пытанні, што дае шанец на канчатковае прыняцце дакумента.

Politico піша, што дэмакраты пагадзіліся падтрымаць законапраект, атрымаўшы ад рэспубліканцаў гарантыі таго, што пытанне мігрантаў будзе праведзенае асобным галасаваннем.

20 студзеня федэральны ўрад ЗША часова спыніў сваю працу пасля таго, як Сенат не падтрымаў законапраект аб падаўжэнні фінансавання працы ўрада.

Гэта адбылося праз пытанні аб статусе нелегальных мігрантаў і іх дзяцей.

Дэмакраты запатрабавалі, каб разам са сцвярджэннем бюджэту былі прынятыя гарантыі для дзяцей нелегальных мігрантаў, праграму абароны якіх прэзідэнт ЗША Дональд Трамп скасаваў у верасні мінулага года.

Рэспубліканцы адмаўляліся абмяркоўваць гэтае пытанне да прыняцця законапраекта аб працягу фінансавання працы ўрада. У выніку дакумент быў адхілены.

Кампанія S&P падлічыла, што ЗША праз бяздзейнасць урада будуць страчваць $6,5 млрд.