Майк Пенс: Амбасада ЗША пераедзе ў Ерусалім да канца 2019 года
- 22.01.2018, 18:27
Віцэ-прэзідэнт ЗША выступіў перад кнэсетам.
Амбасада ЗША пераедзе з Тэль-Авіва ў Ерусалім да канца 2019 года, сказаў віцэ-прэзідэнт Майк Пенс.
Такую заяву амерыканскі віцэ-прэзідэнт зрабіў перад ізраільскім парламентам, паведамляе BBC.
Яго ненадоўга перапыніла група арабскіх дэпутатаў, якія пратэставалі супраць супярэчлівай пастановы прэзідэнта Дональда Трампа.
Пры гэтым прэм'ер-міністр Ізраіля Біньямін Нетаньяху раней заявіў, што амбасада ЗША будзе перанесеная ўжо да канца 2018 года.
6 снежня прэзідэнт ЗША Дональд Трамп афіцыйна прызнаў Ерусалім сталіцай Ізраіля і распарадзіўся перанесці амерыканскае пасольства.