Навукоўцы прапануюць павялічыць падлеткавы ўзрост да 24 гадоў
- 19.01.2018, 19:24
На думку даследчыкаў, постіндустрыяльныя краіны павінны перагледзець паняцце падлеткавага ўзросту.
Навукоўцы, апытаныя часопісам Lancet, заявілі аб тым, што постіндустрыяльныя краіны павінны перагледзець паняцце падлеткавага ўзросту і павялічыць яго да 24 гадоў. Пры гэтым, на іх думку, адпаведныя нормы павінны быць адлюстраваны і ў заканадаўстве, паведамляе zn.ua.
Асноўныя прычыны павышэння падлеткавага ўзросту - сацыяльныя. На сённяшні дзень моладзь даўжэй атрымлівае адукацыю, пазней уступае ў шлюб і заводзіць дзяцей. Акрамя таго, запавольваецца таксама і біялагічнае развіццё, заяўляюць навукоўцы.
Даследчыкі падкрэсліваюць, што цела працягвае расці і змяняцца і пасля 19 гадоў, у 20-гадовых мозг працягвае расці яшчэ на працягу некалькіх гадоў, а ў многіх да 25 гадоў не з'яўляюцца «зубы мудрасці».
Навукоўцы прыводзяць статыстыку, згодна з якой у Англіі і Уэльсе сярэдні ўзрост першага шлюбу ў 2013 годзе склаў 32,5 гадоў у мужчын і 30,6 гадоў у жанчын. Гэта амаль на восем гадоў пазней, чым у 1973 годзе.
Як адзначае С’юзан Соер, гэта сведчыць пра тое, што такія змены павінны знайсці сваё адлюстраванне ў сацыяльнай палітыцы заходніх краін, між іншым, яна прапаноўвае падоўжыць сацыяльную падтрымку моладзі да 24 гадоў.
А вось сацыёлаг з Кентскага ўніверсітэта Джэн Макарвіш сцвярджае, што ўвядзенне такіх нормаў прывядзе да таго, што жаданне падлеткаў стаць самастойнымі будзе ўспрымацца як паталагічнае.