Енс Столтэнбэрг: Македонію запросяць у NATO

• 19.01.2018, 10:46

Але для гэтага Македонія павінна разгледзець спрэчку аб яе назве.

Пра гэта падчас візіту ў Скоп'е ў чацвер заявіў Генеральны сакратар NATO Енс Столтэнбэрг, піша "Украінская праўда" са спасылкай на выданне EUobserver.

"Паплечнікі пагадзіліся з тым, што NATO прапануе вашай краіне далучыцца да альянсу, як толькі будзе дасягнутая ўзаемапрымальная пастанова аб праблеме назвы краіны ў рамках ААН", - сказаў ён македонскаму інфармацыйнаму агенцтву MIA.

Ён надаў спрэчцы пра назву Македоніі цэнтральнае месца ў сваёй прамове ў македонскім парламенце.

"Перад штаб-кватэрай NATO яшчэ ёсць месца для большай колькасці сцягоў", - сказаў ён дэпутатам, маючы на ўвазе далучэнне Чарнагорыі ў альянс у мінулым годзе.

"Яшчэ шмат цяжкай працы трэба ажыццявіць. Гэта, вядома, азначае развязанне пытання аб назве вашай краіны", - дадаў ён.

Раней паведамлялася, што ў Македоніі незадаволеныя прапановамі пасярэдніка ААН пра назву краіны.

Як вядома, Грэцыя мяркуе, што Македонія "скрала" назву ў адной з паўночных грэцкіх правінцый, і таму блакуе дыялог аб уступленні краіны ў NATO і ЕЗ.

Спрэчка доўжыцца з 1991 года - часу здабыцця незалежнасці Македоніяй, якая да таго часу мела назву Сацыялістычная рэспубліка Македонія, і не выклікала супраціву з боку Грэцыі. Пасля 1991 году Грэцыя мяркуе, што назва дзяржавы з'яўляецца ўзурпацыяй назвы яе гістарычнай правінцыі.