Пасольства Вялікабрытаніі ўзнавіла ў менскай Асмалоўцы легендарнае фота The Beatles

• 16.01.2018, 18:29

Сёння ў свеце адзначаецца Сусветны дзень The Beatles.

Супрацоўнікі амбасады Вялікабрытаніі ў Беларусі на чале з паслом Фіёнай Гіб (на здымку яна крайняя справа) узялі ўдзел у рэканструкцыі знакамітага фота The Beatles, паведамляе Еўрарадыё.

Зроблена гэта было 16 студзеня, у дзень, калі 60 гадоў таму ў Ліверпулі адкрылі Cavern Club. Менавіта ў ім амаль 200 разоў выступаў знакаміты гурт.