Пайшоў з жыцця беларускі актор Пётр Юрчанкоў-малодшы

• 16.01.2018, 18:07

Актор працаваў у Тэатры-студыі кінаактора і Купалаўскім тэатры.

Беларускі актор, вядучы майстар сцэны Пётр Юрчанкоў на 42-м годзе пайшоў з жыцця, паведамілі БелТА ў Тэатры-студыі кінаактора.

«Юрчанкоў Пётр Пятровіч працаваў у Тэатры-студыі кінаактора з 2001 года. Ён быў акторам дзіўнага таленту, які здольны быў сканцэнтраваць у сваіх ролях такое складанае і жаданае для мастацтва паняцце, як «вобраз нашага сучасніка», - адзначылі ў тэатры.

Пётр Юрчанкоў-малодшы - з акторскай сям'і. Яго бацька - заслужаны артыст Беларусі Пётр Юрчанкоў працаваў у Тэатры-студыі кінаактора.

Зняўся ў фільмах «Павадыр», «Без сына не прыходзь», «Нецярпенне душы», «Апошняя роля», «Сляды на вадзе».

Акрамя Тэатра-студыі кінаактора Пётр Юрчанкоў працаваў і ў Купалаўскім тэатры.