У 2017 годзе беларусы вярнулі па чэках Tax Free больш за 3 мільёны еўраў
- 12.01.2018, 14:39
Гэта на 163 тысячы еўраў больш, чым у 2016 годзе.
У студзені - снежні мінулага года па чэках Tax Free беларусы вярнулі сабе падаткаў на 3 млн 235 тысяч 179 еўраў. Пра гэта kp.by распавялі ў прэс-службе «Тэхнабанка», які займаецца ў Беларусі вяртаннем ПДВ аб чэках Tax Free. Нагадаем, што калі вы за мяжой набылі тавараў на пэўную суму (у кожнай краіне розныя ліміты на вяртанне ПДВ), аформілі патрэбныя паперы ў краме, то ў Беларусі паводле сістэмы Global Blue і некаторых іншых можаце вярнуць сабе падатак.
У 2016 годзе беларусы вярнулі падаткаў менш - 3 млн 71 тысячу 900 еўраў. Але да стромкага шопінгу, які быў у 2013 - 2014 гадах, нам яшчэ далёка - тады праз «Тэхнабанк» у год беларусы вярталі падаткаў па 5 млн еўраў.
Нягледзячы на мільёны еўраў за год, сярэдняя сума вяртання па адным чэку Tax Free сістэмы Global Blue даволі сціплая - усяго 17,5 еўра. Дарэчы, у «Тэхнабанку» можна вярнуць ПДВ па чэках Tax Free і праз іншыя сістэмы.
Колькі грошай вярнулі беларусы па чэках Tax Free ў 2017 годзе*
Global Blue - 3 198 386,53 еўра, сярэдні чэк - 17,55 еўра;
Premier - 236 547,24 еўра, сярэдні чэк - 30 еўраў;
Innova - 16 912,39 еўра, сярэдні чэк - 29 еўраў;
Litofolija - 13 666,75 еўра, сярэдні чэк - 18,5 еўра;
Tax Card - 19 880 еўра, сярэдні чэк - 29 еўраў.
* Звесткі «Тэхнабанка».