Відэафакт: Jaguar паказаў футурыстычны электракар будучага

• 8.09.2017, 12:22

Кампанія прадэманстравала канцэпт аўтамабіля, абсталяванага стырном са штучным інтэлектам.

Кампанія Jaguar прэзентавала канцэпт беспілотнага электрамабіля будучыні Jaguar FUTURE-TYPE, абсталяванага стырном са штучным інтэлектам, паведамляе korrespondent.net.

«FUTURE-TYPE дае нам уяўленне аб тым, якія магчымасці адкрыюць для нас аўтамабілі ў будучыні. Гэта наша бачанне таго, як прэміяльны брэнд будзе прадаўжаць заставацца жаданым у новую лічбавую эпоху», - адзначыў Ян Калум, дырэктар дызайну Jaguar.

«Разумнае» стырно аўтамабіля будзе выкарыстоўвацца ў якасці лічбавага кампаньёна, які будзе вылічаць расклад свайго гаспадара. Актывацыя яго будзе даступная пры дапамозе адмысловых галасавых каманд.

Мяркуецца, што Jaguar FUTURE-TYPE будзе здольны камунікаваць з іншымі аўтамабілямі аб дарожнай сітуацыі і зможа пазбягаць аварый, а таксама коркаў.

Вытворца пакуль не бярэцца назваць нават прыблізныя характарыстыкі электрамабіля.