Справу MH17 разгледзяць у Гаагскім судзе
- 6.09.2017, 21:16
Абвінавачаныя будуць прыцягнуты да адказнасці ў адпаведнасці з заканадаўствам Нідэрландаў.
Справа аб катастрофе малайзійскага лайнера Boeing-777 рэйса MH17, знішчанага ў небе над Данецкай вобласцю, будзе разглядацца ў судзе ў Гаазе (Нідэрланды), заявіў міністр юстыцыі краіны Стэф Блок.
«Гаагскі суд з'яўляецца лагічным выбарам для гэтага працэсу», - сказаў Блок, паведамляе nv.ua са спасылкай на NOS.
Абвінавачаныя будуць прыцягнуты да адказнасці ў адпаведнасці з заканадаўствам Нідэрландаў.
Выданне адзначае, што прысутнасць падазраваных на судзе - пад пытаннем. Бо ні Расея, ні Украіна не выдалі ніводнага падазраванага.
«Я не гарантую, што гэта будзе магчыма, але мы зробім усё для гэтага», - падкрэсліў міністр.
Нагадаем, што тэрарыстычная арганізацыя «ДНР» праз тры гады пасля катастрофы заявіла пра гатоўнасць перадаць міжнароднай следчай групе парэшткі магчымых ахвяр катастрофы Boeing-777 рэйса MH17.
Катастрофа малайзійскага Boeing адбылася 17 ліпеня 2014 года. Самалёт авіякампаніі Malaysia Airlines ляцеў з Амстэрдама ў Куала-Лумпур. Загінулі ўсе 298 чалавек, якія знаходзіліся на борце. У жніўні 2014 года была створаная Міжнародная следчая група. У ліпені 2015 годзе Расея заблакавала ў Радзе Бяспекі ААН прапанову стварыць міжнародны трыбунал у расследаванні аварыі MH17.
28 верасня 2016 года Міжнародная следчая група афіцыйна апублікавала вынікі расследавання катастрофы Boeing малазійскі авіяліній рэйса МН17, згодна з якімі самалёт збілі з ЗРК Бук, дастаўленым на Данбас з тэрыторыі Расеі.
Згодна з адзінагалоснай пастановай краін-сябраў міжнароднай следчай групы, вінаватых у катастрофе самалёта будуць судзіць у Нідэрландах, у адпаведнасці з мясцовым заканадаўствам.