Беларусы патрабуюць назваць Нацыянальны аэрапорт у гонар Скарыны
- 6.09.2017, 19:58
Кіраўніцтва аэрапорта спаслалася на адсутнасць грошай для перайменавання.
Нацыянальны аэрапорт адказаў на зварот беларусаў з патрабаваннем назваць аэрапорт у гонар Францыска Скарыны, паведамляе «Белсат».
Цяперашняя назва аэрапорта цалкам адпавядае міжнародным традыцыям, а магчымасць назваць аэрапорт імем беларускага першадрукара Францыска Скарыны «патрабуе шырокай грамадскай дыскусіі», гаворыцца ў дакуменце, які апублікаваў менскі актывіст у сваім Facebook.
Аўтары адказу таксама прапануюць назваць у гонар Скарыны Нацыянальную бібліятэку.
Але галоўная прычына нежадання перайменаваць Нацыянальны аэрапорт - адсутнасць грошай.