Заўтра будзе да +19 градусаў

• 26.09.2017, 14:25

У сераду ў Беларусі ападкаў не чакаецца.

27 верасня варункі надвор'я на тэрыторыі Беларусі будзе вызначаць антыцыклон з цэнтрам над паўночна-заходнімі раёнамі Расеі. Чакаецца пераменная воблачнасць. Без ападкаў. Раніцай месцамі слабы туман, паведамляе Гідрамет.

Вецер усходні сярэдні. Тэмпература паветра да раніцы панізіцца да +2..+9°С, на ўсходзе ў асобных раёнах на глебе чакаюцца слабыя замаразкі да 0..-2°С; максімальная тэмпература паветра ў другой палове дня павысіцца да +13..+19°С. Атмасферны ціск істотна не зменіцца.