Самай багатай жанчынай у свеце стала 67-гадовая амерыканка
- 22.09.2017, 9:12
Яе багацце ацэньваецца на 33,8 мільярда даляраў.
Самай багатай жанчынай у свеце стала 67-гадовая Аліса Уолтан, спадчынніца заснавальніка сеткі крам Walmart Сэма Уолтана, паведамляе gazeta.ru.
Паводле звестак Forbes, яе багацце ацэньваецца на 33,8 мільярда даляраў. Яна займае 17-е месца ў агульным рэйтынгу самых багатых людзей.
Уолтан - адзіная дачка заснавальніка Walmart. У адрозненне ад сваіх братоў, якія працавалі ў кампаніі, Аліса займаецца праектамі ў галіне мастацтва.
21 верасня ва ўзросце 94 гадоў памерла дачка заснавальніка кампаніі L'Oréal Ліліян Бетанкур, якая была самай багатай жанчынай у свеце. У 2017 годзе Forbes ацэньваў багацце Бетанкур на 39,5 мільярда даляраў. Гэта 14-я пазіцыя ў спісе мільярдэраў.
Ліліян Бетанкур нарадзілася ў 1922 годзе ў сям'і французскага хіміка Эжэна Шуле. Ён ў 1909 году заснаваў касметычную кампанію L'Oréal. Калі ў 1957 годзе Шуле памёр, Бетанкур атрымала ў спадчыну кампанію, а пасля выхаду на біржу засталася яе найбуйнейшай акцыянеркай.