У 2018 годзе Беларусь заплаціць па замежнай запазычанасці больш за $5 мільярдаў

• 21.09.2017, 20:35

Ціск замежных запазычанасцяў будзе моцна перашкаджаць выхаду эканомікі з крызіснага стану.

Атрымліваецца, што сектар дзяржкіравання налета выплаціць блізу 2,9 млрд даляраў, з іх $2,1 млрд - гэта выплаты ў асноўнай запазычанасці, 0,8 млрд даляраў - працэнты, паведамляе «Еўрарадыё».

Адзначаецца, што сітуацыя з замежнай запазычанасцю Беларусі ў 2018-м не будзе істотна адрознівацца ад сітуацыі ў 2017-м. У першым паўгоддзі сёлета на абслугоўванне замежнай запазычанасці было накіравана 2,6 млрд даляраў. У другім паўгоддзі замежным крэдыторам, магчыма, давядзецца выплаціць да 3,5 млрд даляраў.

У цэлым, пазыковы ціск на Беларусь у 2018 годзе застанецца прыкладна на ўзроўні 2017-га. Гэта будзе моцна перашкаджаць выхаду эканомікі з крызіснага стану.