У Беларусі забралі ЧЕ-2017 па тхэквандо
- 12.09.2017, 19:28
Еўрапейская федэрацыя тхэквандо перанясе чэмпіянату Еўропы з Беларусі ў іншую краіну.
З прычыны непрадбачаных абставінаў Еўрапейская федэрацыя тхэквандо прыняла пастанову пра перанос чэмпіянату Еўропы-2017 з Беларусі, які быў давераны нашай сталіцы мінулым летам, паведамляе worldtaekwondoeurope.org.
Афіцыйны сайт ЕФТ падкрэслівае, што спаборніцтвы не будуць скасаваныя і што ўжо шукае альтэрнатыўную краіну-гаспадыню для арганізацыі форуму, каб правесці яго да заканчэння 2017 года.