У «ЛНР» спартовец дастаў сцяг Украіны і парваў грамату «рэспублікі»
- 12.09.2017, 18:57
Майстар спорту ў поліятлоне выказаў свой пратэст проста падчас цырымоніі ўзнагароджання.
У акупаванай Кадзіеўцы (былы Стаханаў) падчас цырымоніі ўзнагароджання майстар спорту ў поліятлоне Віктар Сцепаненка накінуў на плечы ўкраінскі сцяг і разарваў грамату «ЛНР». Пра гэта піша ў Facebook карыстальнік Антон Пціцын.
«Цяпер ён знаходзіцца ў лапах МГБ і яму пагражае адказнасць, прадугледжаная артыкулам 343 КК ЛНР - распальванне нянавісці альбо варожасці, а роўна зневажэнне чалавечай годнасці. Луганшчына-зямля герояў. Слава Украіне!», - піша ён.