На беларуска-літоўскай мяжы наспявае транспартны калапс
- 12.09.2017, 10:16
Адбыўся збой у працы праграмнага забеспячэння адразу ў некалькіх пунктах пропуску.
У літоўскай мытнай службы адбыўся збой у праграмным забеспячэнні. У сувязі з гэтым у некалькіх пунктах пропуску спыненае афармленне транспарту. Пра гэта паведамляе прэс-служба Дзяржаўнага памежнага камітэта.
«Праз тое, што адбыўся збою ў праграмным забеспячэнні ў літоўскіх мытных службаў з 08.30, 12 верасня, спыненае мытнае афармленне легкавога і грузавога транспарту», - распавялі ва ўстанове.
Афармленне транспарту спыненае ў пунктах пропуску «Мядзінінкай» (Сумежны беларускі пункт пропуску - «Каменны Лог»), «Лаварышкес» (Сумежны беларускі пункт пропуску - «Катлоўка»), «Шумкас» (Сумежны беларускі пункт пропуску - «Лоша») у абодвух кірунках.
У Дзяржпамежкамітэце рэкамендуюць грамадзянам улічваць гэтую інфармацыю і выбіраць альтэрнатыўныя маршруты руху.