У Беларусь вяртаецца лета

• 10.09.2017, 19:05

11 верасня ў асобных раёнах краіны - да 29 градусаў цяпла.

Восень падкралася незаўважна. Здавалася, мы толькі-толькі дачакаліся доўгачаканага цяпла, а на дварэ ўжо верасень. Але ёсць і прыемны бонус: сіноптыкі абяцаюць у панядзелак 11 верасня на поўдні краіны да плюс 29 градусаў цяпла.

Чакаецца пераменная воблачнасць, пераважна без ападкаў, толькі ўначы ў асобных раёнах на поўначы краіны невялікія кароткачасовыя дажджы, паведамляе pogoda.by.

11 верасня працягнецца паступленне цёплых паветраных мас паўднёвых шырот, пераважна па паўночна-заходняй частцы краіны чакаюцца кароткачасовыя дажджы; у асобных раёнах навальніцы, уначы і раніцай слабы туман.

Тэмпература паветра ўначы прагрэецца да 18 градусаў цяпла, удзень - 20-27, на поўдні - да 29 градусаў вышэй за нуль.