У Баранавічах «Пежо» пратараніў аўто ДАІ

• 24.08.2017, 17:27

29-гадовы кіроўца не спыніўся, каб прапусціць супрацоўнікаў ДАІ.

Аварыя адбылася 24 жніўня прыкладна а 13 гадзіне, на скрыжаванні вуліц Савецкай і Чарнышэўскага. Абставіны аварыі высвятляюцца.

- Патрульны аўтамабіль выехаў з вуліцы Савецкай на перакрыжаванне з уключанымі пробліскавымі маячкамі і сірэнай. У гэты момант яму ў правы бок рэзнуўся «Пежо», за стырном якога быў мужчына 1988 года нараджэння, - распавяла Intex-press Наталля Сахарчук. - Паводле папярэдняй інфармацыі, кіроўца «Пежо» парушыў правілы дарожнага руху - не прыняў направа і не спыніўся, каб прапусціць экіпаж ДАІ. Момант ДТЗ зняты на відэарэгістратар службовага аўто, таму прычын аварыі высветліць праверка.

У той жа час пасажырка «Пежо» ў размове з журналістамі сцвярджала, што экіпаж ДАІ ехаў без сірэны.