Фотафакт: менская кавярня прадае банку газіроўкі за 5 рублёў

• 23.08.2017, 20:55

Мінчукоў здзівіў бескампрамісны цэннік на напой.

У ГЦ «Сілуэт» у адной з кавярняў citydog.by заўважыў дзіўны цэннік каля бляшанак Fanta: «1 бляшанка каштуе 5 р. Так, яна каштуе 5 р.»

Бармэнка пацвердзіла нашы здагадкі: патэнцыйныя пакупнікі сапраўды ўвесь час пытаюцца ў прадаўцоў, чаму звычайная бляшанка Fanta каштуе так нятанна. У крамах такая каштуе 1,20-1,50 руб.

Высветлілася, цана абумоўлена рэдкімі гатункамі фанты і тым, што «яе прывозяць здалёк». Пакупнікі, кажуць, спецыяльна прыходзяць сюды за такім вось напоем.