Саакашвілі: Мне прапанавалі грамадзянства некалькі краін

• 21.08.2017, 17:49

Палітык адзначыў, што ўсё ж мае намер вярнуцца ва Украіну.

Былы кіраўнік Адэскай АДА Міхаіл Саакашвілі заявіў, што мае прапановы аб грамадзянстве ад некалькіх еўрапейскіх краін. Пра гэта ён сказаў у відэазвароце, апублікаваным на старонцы палітыка ў Facebook, піша liga.net.

Пры гэтым Саакашвілі адзначыў, што ўсё ж мае намер вярнуцца ва Украіну.

«Як вы ведаеце, я наважыў вяртацца на 10 верасня ва Украіну. Многія мне не раяць гэтага рабіць. У мяне ёсць прапановы аб грамадзянстве ад некалькіх еўрапейскіх краін. Без справы і даходаў, напэўна, я тут не застануся», - сказаў палітык.

Раней Саакашвілі заявіў, што плануе вярнуцца ва Украіну 10 верасня.

Давід Сакварэлідзэ заявіў, што сябры партыі «Рух новых сіл» плануюць сустрэць Саакашвілі на мяжы і забяспечыць яму ўезд ва Украіну.

Пры гэтым у Дзяржпамежслужбе паведамілі, што пашпарт грамадзяніна Украіны, які ўнесены ў рэестр несапраўдных, на мяжы павінен быць канфіскаваны, а ягонаму ўладальніку адмоўлена ў пропуску праз дзяржаўную мяжу.