Высветленая асоба мужчыны, які нападаў на мінакоў у Сургуце
- 19.08.2017, 16:12
Ім выявіўся мясцовы жыхар 1994 года нараджэння.
Асобу мужчыны, які напаў у суботу на мінакоў у Сургуце і быў застрэлены паліцыянтамі, высветленая, паведамляе interfax.ru са спасылкай на Следчы камітэт Расеі.
«Цяпер следчымі ўстаноўленая асоба нападніка: паводле папярэдніх звестак, гэта мясцовы жыхар 1994 года нараджэння», - гаворыцца ў паведамленні СКР.
«Запытаныя характарыстыкі на маладзёна, будзе правярацца інфармацыя пра магчымыя ягоныя псіхічных адхіленні», - інфармуе камітэт.
Нагадаем, у цэнтры Сургута невядомы мужчына, узброены нажом, у суботу параніў сем чалавек, а затым быў застрэлены паліцыянтамі.
Кіраўнік Следчага камітэта РФ Аляксандр Бастрыкін узяў пад асабісты кантроль расследаванне падзей у Сургуце.