Паліцыя прызнала напад у Турку тэрактам

• 19.08.2017, 15:16

На людзей напаў 18-гадовы мараканец.

Супрацоўнікі праваахоўных органаў Фінляндыі расследуюць напад на людзей у цэнтры Турку як тэракт, паведамляе Yle са спасылкай на звесткі паліцыі. Яшчэ адным артыкулам, у рамках якога, паводле іх інфармацыі, вядзецца расследаванне таго, што адбылося, з'яўляецца «наўмыснае забойства».

Нападнікам, як удакладнілі ў органах правапарадку, з папярэдніх звестак, з'яўляўся 18-гадовы мараканец, піша РБК.

Сярод ахвяраў нападу, як растлумачылі ў паліцыі, - толькі грамадзяне Фінляндыі, замежнікі ёсць толькі сярод пацярпелых, гэта - італіец і два шведы.

Усяго, паводле звестак паліцыі, у выніку інцыдэнту загінулі два чалавекі, яшчэ восем атрымалі раны. З іх трое, у тым ліку адзін падазраваны, знаходзяцца ў цяжкім стане.

Нападніка паліцыя спыніла, стрэліўшы яму ў сцягно. Асоба падазраванага, са звестак паліцэйскіх, высветленая, аднак не выдаецца.