Беларусы аплацяць віцебскім чыноўнікам не толькі аўто, але і кіроўцаў

• 18.08.2017, 14:18

Віцебскі аблвыканкам арандуе 22 аўто з кіроўцамі.

Віцебскі абласны выканаўчы камітэт абвясціў тэндэр на арэнду легкавых аўтамабіляў з кіроўцамі, піша news.vitebsk.cc.

Чыноўнікам аблвыканкама ў перыяд з 11 верасня да 31 снежня 2017 года спатрэбіцца 22 легкавушкі. Паводле дакументаў закупкі, плануецца, што агульны сярэднямесячны прабег гэтых аўто складзе 63 000 кіламетраў.

Аплачвацца паездкі будуць са сродкаў абласнога бюджэту.