МЗС: Беларусаў сярод пацярпелых у Барселоне няма
- 18.08.2017, 10:52
Амбасада Беларусі ў Гішпаніі працягвае адсочваць сітуацыю.
Міністэрства замежных спраў Беларусі паведамляе пра адсутнасць інфармацыі пра пацярпелых беларусаў падчас тэракту ў Барселоне.
«Інфармацыі аб грамадзянах Беларусі сярод пацярпелых у Барселоне няма. Амбасада Беларусі ў Гішпаніі працягвае адсочваць сітуацыю», - гаворыцца ў паведамленні МЗС.
Як раней паведамляў сайт Charter97.org, напярэдадні фургон учыніў наезд на пешаходаў на адной з вуліц Барселоны. Здарэнне было кваліфікаванае як тэракт. У выніку загінулі 13 чалавек, больш за 100 атрымалі раненні. Пацярпелі грамадзяне як мінімум 18 краін.
Тэрарыстычная групоўка «Ісламская дзяржава» ўзяла на сябе адказнасць за тэракт у Барселоне.