Пасол Польшчы ў Беларусі: Да сярэдзіны маёй місіі здолею даць інтэрв'ю па-беларуску

• 17.08.2017, 20:52

Конрад Паўлік распавёў, што вучыць беларускую мову.

Надзвычайны і паўнамоцны амбасадар Польшчы ў Беларусі Конрад Паўлік распавёў «Еўрарадыё», што ўжо вучыць беларускую мову і нават імкнецца на ёй размаўляць.

- Я вучу беларускую мову. І нават час ад часу стараюся размаўляць па-беларуску. Праўда, часцей - не публічна, падчас прыватных сустрэч у цішы кабінета. Хацелася б больш часу адводзіць на гэта маё вучэнне, але не заўсёды ёсць такая магчымасць – парадак дня пасла досыць актыўны, шмат розных падарожжаў. Спадзяюся, што бліжэй да сярэдзіны маёй місіі я змагу хоць бы частка інтэрв'ю даць па-беларуску. Тут галоўнае, каб, адказваючы на пытанні, адчуваць сябе разняволеным, і каб лексіка была досыць багатай.