«Стары Ольса» запісаў новы альбом і збіраецца ў ЗША

• 17.08.2017, 14:35

Альбом «Вада, хмель І солад» адраджае дух беларускага рыцарскага застолля.

Гурт «Стары Ольса» запісаў новы альбом - «Вада, хмель І солад», паведамляе euroradio.fm.

У яго ўвайшла праца за некалькі апошніх гадоў. Адзначаецца, што гэта «спроба аднавіць дух старадаўняга застолля: жартоўныя песні, рэлігійныя, рыцарскія, баладныя і, вядома ж, песні пра піва».

Праз тыдзень «Стары Ольса» збіраецца ў тур па Злучаных Штатах. Ён, дарэчы, у гурта будзе трэцім і будзе доўжыцца да 23 кастрычніка. Прэзентацыя альбома «Вада, хмель І солад» ў Менску адбудзецца 19 лістапада ў Палацы прафзвязаў.