У беластоцкім «Ашане» з'явіліся надпісы па-беларуску

• 17.08.2017, 12:07

У кавярні гіпермаркета стравы падпісаныя не толькі па-польску, але і па-беларуску.

У гіпермаркеце Auchan, які знаходзіцца ў Беластоку на вуліцы Прамысловай, з'явілася беларуская мова. У кавярні гіпермаркета, дзе часта абедаюць і вячэраюць пакупнікі, якія прыязджаюць у краму за пакупкамі, стравы падпісаныя не толькі на польскай мове, але і па-беларуску, паведамляе «Радыё Рацыя».

Цяпер беларусам, якія наведваюць Аuchan, лягчэй азнаёміцца са стравамі кавярні і прасцей іх замовіць. Ды і прыемна, што адміністрацыя Аuchan шчыра і добразычліва паставілася да мовы суседняй дзяржавы.