Каля Іўя на дарогу выйшаў прывід?

• 16.08.2017, 11:20

Сілуэт жанчыны ў белым пасярод трасы шакаваў аўтамабілістаў.

Дзіўны інцыдэнт адбыўся познім вечарам 8 жніўня ў Іўеўскім раёне, каля вёскі Сцігане. Маладых людзей, якія ехалі на аўтамабілі па загараднай трасе, сур'ёзна напалохала жанчына, якая знаходзілася на дарозе, піша «АвтоГродно».

Маладыя людзі рухаліся на аўтамабілі з уключаным далёкім святлом фар, удваіх сачылі за дарогай і абмяркоўвалі дарожныя знакі. Раптам дзяўчына заўважыла сілуэт жанчыны на праезнай частцы і адразу папярэдзіла кіроўцу. Той пачаў сігналіць пешаходу і паспрабаваў аб'ехаць небяспеку па сустрэчнай паласе, але за пару метраў да аўтамабіля жанчына ў белым рэзка пайшла ў бок машыны.

Як распавёў «АвтоГродно» кіроўца, тое, што здарылася моцна іх напалохала, «мурашкі па скуры былі хвілін 30, а яго дзяўчына наогул усю ноч заснуць не магла».