Ва ўніверсітэце Луцка будуць вывучаць беларускую мову

• 12.08.2017, 14:51

Беларускую мову будуць вывучаць філолагі і журналісты.

На факультэце філалогіі і журналістыкі Усходнееўрапейскага нацыянальнага ўніверсітэта імя Лесі Украінкі (Луцк) з новага навучальнага года пачнуць выкладаць беларускую мову. Яе будуць вывучаць студэнты 1 курса спецыяльнасці «Філалогія (украінская мова і літаратура)».

Пра гэта паведаміў Юры Громік, дэкан факультэта філалогіі і журналістыкі гэтага ўніверсітэта.

Выкладчыка беларускай мовы ў Луцк дэлегуе Берасцейскі дзяржаўны ўніверсітэт.