У Крычаве сутыкнуліся дзве маршруткі

• 6.07.2017, 11:54

У выніку аварыі пацярпеў адзін з кіроўцаў.

У Крычаве ў сутыкненні двух маршрутак пацярпеў адзін з кіроўцаў. Пра гэта tut.by паведаміла прадстаўніца ДАІ УУС Магілёўскага аблвыканкама Анастасія Дарашкова.

Аварыя адбылася 5 ліпеня, а 10.40, паблізу дома №126 на вуліцы Леніна. 27-гадовы кіроўца маршрутнага таксі ГАЗ пры выездзе з прыпыначнага пункта ўчыніў сутыкненне з другой маршруткай, якая ехала ў спадарожным кірунку.

У выніку ДТЗ 27-гадовы кіроўца атрымаў траўмы рознай ступені цяжкасці і быў дастаўлены ў бальніцу. Другі кіроўца - 24-гадовы хлопец - у аварыі не пацярпеў.