Экспэрты распавялі, які алей самы карысны

• 5.07.2017, 11:52

Даследаванне правялі навукоўцы з Туніса і Саудаўскай Арабіі.

Аліўкавы алей першага адціскання абараняе печань ад акісляльнага стрэсу - працэсу, які выкліканы разбуральным уздзеяннем свабодных радыкалаў, якія прыводзяць да старэння тканак і павышаюць рызыку ўзнікнення ракавых утварэнняў, сцвярджаюць даследчыкі з Туніса і Саудаўскай Арабіі, піша healthyliving.com.ua.

Навукоўцы правялі экспэрымент на пацуках, якім давалі аліўкавы алей. Высветлілася, што ў выніку печань жывёл менш пакутавала ад уздзеяння таксінаў, якія выклікаюць акісляльных стрэс.

Між іншым, у печані гэтых пацукоў павялічвалася актыўнасць ферментаў антыакісляльнікаў.

Экспэрты ўважаюць, што аліўкавы алей з'яўляецца самым эфектыўным сродкам кантролю выкліканага таксінамі акісляльнага стрэсу, а яго экстракт наўпрост абараняе клеткі печані ад шкоднаснага ўздзеяння свабодных радыкалаў.