Фотафакт: Галоўны рэдактар «Саўбеліі» Павел Якубовіч робіць закупы на рынку ў Вільні
- 31.07.2017, 16:30
Галоўны рэдактар прапагандысцкага выдання аддае перавагу «варожай» ежы.
Фатаграфію, на якой відаць, як галоўны рэдактар прапагандысцкай газеты адміністрацыі Лукашэнкі «Савецкая Беларусь» Павел Якубовіч купляе ежу на харчовым рынку ў Вільні, у рэдакцыю Charter97.org даслаў чытач.
«Галоўны рэдактар «СБ» Павел Ізотавіч робіць закупы на Віленскім рынку. З задавальненнем! А потым вернецца ў Беларусь і будзе гнаць на «загніваючую Еўропу», - напісаў чытач.
Нагадаем, што галоўны рэдактар афіцыйнага выдання раней знаходзіўся пад санкцыямі ЕЗ і ЗША, прынятымі супраць беларускіх уладаў у сувязі з парушэннем правоў чалавека ў краіне.