Эндру Бадда: Вучэнні «Захад-2017» нясуць пагрозу Украіне

• 3.07.2017, 14:59

Прадстаўнік NATO распавёў пра магчымыя наступствы расейска-беларускіх вучэнняў.

Правядзенне расейска-беларускіх вучэнняў «Захад-2017» выклікае занепакоенасць на Захадзе, бо яны могуць паўплываць на сітуацыю ва Украіне, заяўляе кіраўнік аддзела абаронных магчымасцяў дырэктарата абароннай палітыкі NATO Эндру Бадда, паведамляе «Інтэрфакс».

«Каўказ-2014» (камандна-штабныя вучэнні Паўднёвай вайсковай акругі, якія праходзілі 17 - 23 верасня 2012 года ва узброеных сілах Расеі) дапамог расейцам захапіць частку тэрыторыі Грузіі, таму вучэнні «Захад-2017» выклікаюць занепакоенасць на Захадзе, бо гэта можа сур'ёзна паўплываць на сітуацыю ў дачыненні да Украіны», - сказаў Э.Бадда падчас семінара Роўза-Рота «Бяспека і стабільнасць ва Украіне і Чарнаморскім рэгіёне» ў панядзелак у Кіеве.

Ён адзначыў, што вучэнні «Захад-2017» прадугледжваюць «сур'ёзныя, маштабныя перамяшчэння сіл па чыгунцы» і іншыя мерапрыемствы, якія не могуць не выклікаць боязі.