Відэакамеры на БелАЭС абыдуцца беларусам $10 мільёнаў

• 27.07.2017, 14:19

Улады абвясцілі тэндэр на ўстаноўку камер відэаназірання на 1-м і 2-м энэргаблоках Астравецкай АЭС.

Аб'ява аб тэндэры на ўстаноўку сістэм відэаназірання на абодвух энэргаблоках БелАЭС размешчаная на сайце дзяржзакупак Беларусі.

Згодна з умовамі конкурсу, да 15 жніўня будуць прымацца заяўкі на забеспячэнне энэргаблокаў відэакамерамі на агульную суму 19,99 мільёнаў беларускіх рублёў (блізу 10 мільёнаў даляраў).