697 гадоў таму ВКЛ разграміла войска Тэўтонскага ордэна пад Меднікамі

• 27.07.2017, 12:16

Нашы продкі спынілі экспансію тэўтонцаў.

Бітва пад Меднікамі – бітва, што адбылася 27 ліпеня 1320 года на тэрыторыі Жамойці паміж захопніцкім войскам крыжакоў Тэўтонскага ордэна і войскамі ВКЛ.

У бітве з боку крыжакоў удзельнічалі 40 рыцараў, гарнізон Мемельскага замка і атрад самбійцаў. Частка рыцараў аддзялілася ад асноўнага атрада, рабуючы наваколлі Меднікаў – тагачаснай сталіцы Жамойці, тады асноўны атрад і быў атакаваны войскамі ВКЛ і цалкам знішчаны. На полі бітвы загінулі камандзір крыжакоў маршал Тэўтонскага ордэна Генрых Плоцке і яшчэ 29 тэўтонскіх рыцараў, а таксама блізу 200 салдатаў з дапаможных злучэнняў.