Менск затапіла вечаровымі залевамі
- 25.07.2017, 22:03
Проліўні будуць працягвацца і ўночы.
У Менск навальніца прыйшла пад 18.00. Некаторыя вуліцы падтопленыя - на вуліцы Магілёўскай вада на праезнай частцы даходзіла да колавых арак: самаходы прыціскаюцца да ўзбочын і баяцца ехаць далей. Аднак у МНС адзначылі, што няштатных сітуацый пакуль не зафіксавана, перадае tut.by.
Аналагічная сітуацыя і на Лагойскім тракце.
Проліўні будуць працягвацца і ўночы, навальнічнае становішча захоўваецца. Аранжавы ўзровень небяспекі праз навальніцы і шквалісты вецер абвешчаны ў Беларусі і 26 ліпеня.
Нагадаем, Берасце таксама падтапіла праз моцны дождж. Тады на места абрынулася больш за траціну дэкаднай нормы ападкаў.
Таксама пад навалу трапілі іншыя гарады вобласці. Як паведамляюць відавочцы, праз залеву і дрэнную бачнасць кіроўцы на трасе М1 пад Баранавічамі вымушаныя былі спыняцца на ўзбочыне.
Практычна аналагічная сітуацыя і ў іншым месце рэгіёну - Баранавічах.